Afghanistanimi sakkutooqartitsineq taamaatikkiartuaarneqalerpoq
Taarsiullugu Amerikamiut sakkutuui 300.000-it allat ukiup affaani Afghanistanimiissallutik tikissapput. Obamap nalunaaruteqarnera Afghanistanimi suliamut qanoq sunniuteqassava? Mikkel Vedby Rasmussen, Københavnip Universtitetianeersup tamanna akissavaa.
Tamatuma erniinnaq naammassinissaa pineqarpoq, Obamap oqaatigaa maannakkut sakkutoorpassuarnik sakkutuuliisoqassasoq, Al Qaida aappassaanillu talibanit ajorsartinneqassapput, taavalu Afghanistanimi naalakkersuisuit sakkutuullu isumannaallisaasut qimanneqassallutik taakkua sapinngisatik isumaginiassammatigik, taavalu kingornatigut Amerikamiut sakkutuui 2011-mi angerlarartillugit aallartinneqarlutik.
- Kisiannimi taamaallaat oqarpoq angerlarartitsineq 2011-mi aallartinneqassasoq, ukiummi arlallit qaangiuppata aatsaat Amerikamiut anisimassapput.
- Taamatut takorluussagaanni, angerlarartitsineq ajugaanermit pingaarnerutillugu, taava sumut ingerlaniarneq nassuiarpaa, tassami oqarami Amerikap qanoq akiliitiginissaa killeqartoq, taava killiliisimassaaq, naallu tamanna julimi 2011-mi pissanngikkaluartoq, taava eqquutingajassaaq.
- NATO-p generalsekretæriata Anders Fogh Rasmussenip Obamap nalunaarutaa taperserpaa, erseqqissarluguli NATO-p aatsaat Afghanistan qimakkumaaraa Afghanistanimiut namminneq nakkutilliilerpata.
- Qimagussornissaq pillugu isumaqatigiinngitsoqarpa? - Taamaattoqarnissaa neriuutiginanngilaq, tassami Obamap periaasissaa atorsinnaappat, taava taakkua suliassaq taamanikkut tigusinnaavaat sakkutuut pilertortuunngitsumik aniatinnerisigut. Kisiannili illuatungeriinni assortuuttoqarpoq, nuanniitsup naanissaanut alajangiussisimaannassanerlutik imaluunniit angerlarnissamut piumasaqaatinik allanik nassaarsiortoqassanersoq. Præsidentip taamaalilluni aalajangersimakannersumik nassuiarpaa Afghanistan ajunngitsumik qaqugu ingerlalissanersoq.
