Afghanistanimi inuit 28-t apummit matoorussaapput
Inuit hornorujut arlallit qaqqani Hindu Kushini sulluliarsuakkut 2,6 kilometerimik takitigisukkuuleruttortut aput annertoorujussuaq qaqqaniit sisoorpoq inuppassuit biilillu mattullugit.
Inuit arlallit oqarasuaatit angallattakkatik atorlugit ajunaalermermi kalerrisaarivinnut sianertarsimapput, qiulivinnerarlutik biilillu motorisa eqqarfiiniit gassip anianeranit ipingajassaallutik. Aamma oqaluttuaraat inuppassuit biiliminni toqungasut takusinnaagitik.
Afghanistanimi ajunaarnersuaqartillugu kalerriisaaarivimmi pisortaq, Abdul Mateen Edraak, nutaarsiassaqartitsivimmut Ritzuimut siusinnerusukkut oqarpoq, biilertut sulluliarsuup silataaniittut, ingerlariaqqinnaanngitsullu, ajornartorsiornerusut. Sulluliarsuarmimi imatorsuaq qiiananngilaq.
Abdul Mateen Edraak aamma oqarpoq, apummik ullup ingerlanerani sisoortoqaqqinngippat mattussaaqqasut annaanneqarsinnaajumaatut. Sumiiffinni assigiinngitsuni 17-ini aput sisoorsimasoq, annaassiniarnerlu ajornakusooqisoq.
