Soraarummeerusiartik pillugu akissarsitinneqartut

Illuliassanik titartaasartunngorlaat marluk soraarummeerusiaminni Kommuneqarfik Sermersuup illoqarfimmik ineriartortitsinissamik suliniutaa Siorarsiorfik pillugu sammisaqarsimasut legatinnapput.
Kimmernaq W. R. Lyberth. Assi © : Arkitektskolen i Aarhus
Bodil Sofia Hemgaard. Assi © : Arkitektskolen i Aarhus
Allattoq Inge S. Rasmussen
juulip 02-at 2017 11:53

Illuliassanik titartaasartunngortut tassaapput nunatsinneersoq Kimmernaq Lyberth Finlandimeersorlu Bodil Hemgaard.
Kimmernaq Lyberth titartaasartunngorniat Århusimi ilinniarfianni ukiut tallimat ilinniareerluni kandidatitut naammassivoq.

Illunik titartaasartunngortut VOLA legatimik 15.000 koruuninik nalilimmik tunineqarput.

Soraarummeerusiartillu ''Siorarsiorfik - Urban Development of a New Subdivision in Nuuk''-mik qulequtsersimavaat.

Legatimik tunniussinermi illoqarfimmik ineriartortitsinissami avatangiisinik atorluaanikkut ataqatigiissaarilluarnera pitsaaqutaalluinnarnera ilaatigut tunngavilersuutigineqarpoq

Legatinnattut taamaasillutik ilisimasaqarluarnermik, pilersaarusiorluarnermik illoqarfimmillu ilusilersuilluarnermik takutitsipput, legatimik tunniussisut allapput.

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq