AF-imi sulineq kalaallit malinnaavigisinnaalerpaat
Namminersornerullutik Oqartussani kommuninilu sulisut, danskit naalakkersuisuisa Namminersornerullutillu Oqartussat isumaqatigiissutaat malillugu, danskit Suliffissarsiuussisarfianni, AF-imi, sulineq, siunissami malinnaavigisinnaalerpaat.
Suliffeqanngitsut pikkorissartinneqarsinnaanerat, IT-lerineq Kalaallit Nunaannilu suliffimmi isumannaallisaanikkut pissutsit sulinermilu ajoqusernerit kalaallit atorfillit ilaatigut ilinniartassavaat.
Danmarkip Namminersornerullutillu Oqartussat akornanni suliffeqarfeqarfinni tunngaviusumik isumaqatigiissut kukkunersiorneqareersorlu Namminersornerullutik Oqartussani kommuninilu sulisut danskit Suliffissarsiuussisarfianni sulineq malinnaavigilersinnaalerpaat. Danmarkimi Suliffissaqartitsiniarnermut ministerip, Claus Hjort Frederiksenip Inuussutissarsiornermut, Suliffissaqartitsiniarnermut Ineriartortitsinermullu Naalakkersuisup, Siverth K. Heilmannip, taanna ippassaq atsiorpaat.
- Isumaqatigiissut kalaallit namminersulernissaannut iluaqutaassaqaaq, taamanikkumummi suliffissarpassuarnik peqalernissaa ilimagineqarpoq, Claus Hjort Frederiksen oqarpoq.
