ADHD-mik innarluuteqartut siulittaasuat: Immitsinnut sanilliuffigisinnaanissarput amigaatigaarput
ADHD-mik innarluuteqartut Kalaalllit Nunaanni peqatigiiffittarput.
Taanna taaguuteqarpoq ADHD Kalaallit Nunaat, ADHD-millu innarluuteqartut paasineqarnerunissaat ADHD-eqartullu atugaasa pitsaanerulernissaat suliniutiginiarpaat.
Taama oqaluttuarpoq, peqatigiiffiup siulittasua Josephine Signe Damgaard Holding, tassuma nassuiarpaa sooq peqatigiiffimmik pilersisitsimanerlutik:
- ADHD-mik innarluuteqarlunga paasigakku, ADHD-mik inaallarluuteqartut ataatsimoorfeqannginnerat eqqartortorujussuuarput.
- Ilungersunartorsioqaanga, ataatsimooqatigiinneq amigaatigigakku immitsinnut sanilliussinnaanissatsinnut oqaloqatigiissinnaanissatsinnut paaseqatigiissinnaanissatsinnullu pisariaqartitsigatta. Tamanna pillugu peqatigiiffiliorpugut, Josephine Damgaard Holding, peqatigiiffimi nutaami ADHD Kalaallit Nunaanni siulittaasoq oqarpoq.
AAMMA ATUARUK Inuit tarnimikkut innarluutillit pigiliutiinnakkanik isumaqarfigineqartarput
Josephine Holdingip pasinninnera naapertorlugu, inuiaqatigiini innarluut ADHD pillugu ilisimasat amigaatigineqarput, aamma taamatut innarluuteqarneq qanoq ittuunersoq. Taamaattumillu siulittaasunngortup uani ADHD-mik innarluuteqarneq oqaluttuaraa namminerlu qanoq misiginerlugu:
- ADHD-mik innarluuteqartut aalajangersimasumik ukkatarinnissinnaanngillat, qarasaat akornusersortarmat. Eqqissilluni issiasoqarsinnaanngiaq uniffeerutipallattoqartarlunilu. Sorpassuit eqqarsaatigineqarsinnaapput. Assersuutigalugu radiot qulit ataatsikkut ikumatinneqartutut ittarput arlaannaalluuniillu qaminneqarsinnaanani, Josephine Signe Damsgard Holding oqarpoq, nangillunilu:
- Misigissutsit maluginiutillu sakkortunerulerannik takussutissaqartarpoq. Assersuutigalugu atuarfimmi atuaqatigiit akornanniittilluni akornusersuinerpassuarnik pisoqarsinnaavoq. Sanilerisaq allattoq imaluunnit atuaqatigiit ilaat nissuminik aalatitsisoq akornutaasinnaaput.
ADHD-p pitsaaqutai ajoqutaalu
Meeqqat inuusuttullu ADHD-mik innarluuteqartut nalinginnaasumik atuarfinnut naleqqussarniarnerat ajornakusoortarsinnavoq, taamaattumik, peqatigiiffik ADHD Kalaallit Nunaat napertorlugu, meeqqat inuussuttullu tarnimikkut innarluuuteqartut atuarfimmit eqqumaffigineqarnerusariarput.
ADHD-mik innarluuteqarneq ajortuinnaanngitsoq, Josephine Signe Damgaard Holdingip erseqqissaatigaa.
- ADHD-mik innarluuteqarneq ajunngitsortaqarpoq. Ajunngitsut ajortullu tamarmik aqqusaarneqartarput. ADHD-mik innarluuteqartut uippallerfiusuni eqqissisimallaqipput ajornartorsiutillu aaqqinneqarnissaannut nassaarniallaqqillutik,ADHD Kalaallit Nunaanni siulittaasunngorlaaq Josephine Signe Damsgard Holdind oqarpoq.
Peqatigiiffik ADHD Kalaalit Nunaat attaviginiarukku qarasaasiakkut attaveqatigiittarfimmi Facebookimi attavineqarsinnaavoq.
Peqatigiiffik Nuummi siullermik pilersinneqarpoq, pilersaarutaavorlu nunatta sinnerani immikoortortaqarfeqalernissaq.
Innarluutillit illersuisuat, Tilioq inuit tarnimikkut innarluutillit siorna misissuiffigai. Misissuinermi tassani tarnimikkut innerluutillit soor autisme imaluunniit ADHD pineqartillugu inuit isumaat allaasartut inerniliutigineqartut ilagaat.
Assersuutigalugu innuttaasut inunnut tarnikkut innarluutilinnut atassuteqarnissamut akunattuunganerusartut atuarneqarneqarsinnaavoq.
