ACR: Ullut aappassaanni Nunarput Ruslandilu minutsimik ataatsimik nikingapput
Unammineq silagissuugaa ingerlanneqarpoq, aamma Arctic Circle Racep nittartagaani oqaatigineqarpoq kalaallit Russillu ajugaaniutivinnissaat ilimagineqarsinnaasoq.
Unammisut aqqutigisartaagaata allannguallatsinneratigut ullup aappassaani unamminermi Sisimiut illoqarfiat aqqusaarneqarpoq. Tamannalu pilluni unammisut aatsaat taamak qatsitsigisukkut, tassa immamiit 664 meterinik qatsinnerusukkut ingerlareersullu.
Ullumi ullup qeqqata missaani illoqarfikkoormata russip ippassaq angusaasuni ajugaasup Sergei Spirinip aamma Øystein Slettemarkip nikinganerat minutsi ataasiinnaavoq.
Niviaq Chemnitz Berthelsen arnani siuttuugallarpoq, tassa tullersortiminit 15 minutsinik siulliugami.
Unamminermi ullut aappassaata ullumi qanoq ingerlasimanera unnugu KNR-TV-kkut nal. arfineq pingasunut takuneqarsinnaavoq.