Timersorneq

ACR nunanit allanit soqutigineqarluartoq

Arctic Circle Race, nunarsuarmi ujakkaarnermi sukataarnarnerpaaq ullumi nalunaaqutaq qulinut aallartippoq.

Allattoq Bikki P. Kleist

marsip 31-at 2017 11:52

Arctic Circle Racep piareersarneqarnerani silap atoruminarpallaarsimannginnera pissutaalluni kinguaattoortoqalaarsimagaluartoq aaqqissuisut piareerput.

- Silamik peqquteqartumik campiliorneq kingusinaalaaraluartoq tamarmik angumersipput, Arctic Circle Racemi siulittaasoq, Jens Klaus Lennert KNR-mut oqarpoq.

AAMMA ATUARUK Tapiitsoq ACR-imut peqataasoq nersornaasiuttakkamut innersuunneqartoq

Ujakkaartartullu issik ulluni tulliuttuni malugissagunarpaat.

- Aqaguminngaanniit issinnerulernissaa ilimasaarutaavoq. Avannilaartussaagami nunap timaani qutsissumi ingerlaartut malugilaartussaassavaat, Jens Klaus Lennert oqarpoq.

ACR ukioq kingulleq ingerlanneqarmat kunngissaq Frederik peqataavoq, tamannalu ACR-qartoqarnerani malugineqarluarsinnaasimavoq.

- Peqataasut Nunatta avataaneersut marloriaammik amerlipput. Peqataasut katillugit 208-pput, Jens Klaus Lennert oqarpoq.

AAMMA ATUARUK Tapiitsoq ACR-imut peqataasoq nersornaasiuttakkamut innersuunneqartoq

Ujakkaartut aqqutit marluk toqqarsinnaavaat. Aqqut isorartuneq 160 kilometeriuvoq, naannerlu 100 kilometeriulluni.