ACR aallartiinnaqaaq
Ujakkaarluni sukkaniunnersuit nunarsuarmi sakkortunersaat Arctic Circle Race, ACR, Sisimiuni ingerlanneqartartoq aallartiinnaqaaq.
ACR pisarneq malillugu ulluni pingasuni ingerlanneqartaraluaq ulluni marluinnarni ingerlanneqassaaq.
Allattoq Najaaraq Egede
marsip 28-at 2009 13:32
Sisimiuni silapiluup aallartinnissaraluaq ippassaq ajoqusereeraalu ullaaq silagissuugaa nalunaaqutaq qulinut inuppassuit 63 kilometerimut ujakkaassallutik aallakaapput, oqaatigineqarporlu siulliit apuuffissaminnut apuutereersut, suleqataasoq Hans Lars Olsen ilisimatitsivoq.
Ingerlaarfissat pilersaarutaareersut malillugit aamma allanngortinneqarput, ulluni pingasuni sisorarluni sukkaniunnermi isorartussutsit aalajangiuteriikkat allanngortillugit tannerumaanut ulluni marlunni ingerlaartoqassalluni. Ullumi 63 kilometerimut aqagulu 57 kilometerimut.
Miki ACR aamma ullumi ingerlanneqarpoq, nalunaaqutaq ataatsimut meeqqaniit utoqqarnut 1, 2, 4 aamma 10 kilometerimut aallakaammata. Siulliit apuussimalereerput.
