Aboriginalsit Katuami

Australiap inoqqaavi Aboriginalsit tusagassiuutitigut piffissami kingullermi sammineqangaatsiarput. Australiami naalakkersuisut Aboriginalsinut utoqqatsissuteqareersullu Aboriginalsit sammineqangaatsiarput.
februaarip 18-at 2008 05:24

Nuummiut Aboriginalsit kulturiannik ilisimasaqarnerulersinnaassapput, Katuami saqqummersitsisoqassammat. Saqqummersitsineq tallimanngorpat ammarneqassaaq.

Ilulissani, Aasianni, Narsami Sisimiunilu saqqummersitsisoqareerpoq.

Saqqummersitsinermik aaqqissuisut oqarput Aboriginalsit Kalaallillu Nunaanni innuttaasut assigiittorujussuusut:

Aboriginalsit kiattorujussuarmi najugaqartut kalaallillu issittorujussuusinnaasumi najugaqartut. Inuussutissat pissarsiariuminaassinnaasut, nunasiaateqarnianillu illuatungeqarsimasut.

Assigiissutsit tamaanga killeqanngillat. Inooriaatsit assingusut, oqaluttuatoqqallu tunngavigalugit eqqumiitsuliornerit aamma taaneqarsinnaapput.

Eqqumiitsuliat 50-it missaanniittut saqqummersinneqassapput, qiperukkat, qalipatallu assigiinngitsut saqqummersinneqassagamik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq