Aavaakkut siulittaasuat qinigaaqqippoq
Carsten Siegstad Danmarkimi kalaallinut erinarsoqatigiinnut Aavaakkunnut siulittaasutut qinigaaqqippoq. Taamaalilluni erinarsoqatigiit 1996-imili pilersinneqarmatali sivisunerpaamik siulittaasuuffigilerpai.
Allattoq Lotte Holm
Ukiumoortumik ataatsimeersuarnermi napparsimasut uninngavianni peqqissartut Aavaakkunnut akeqanngitsumik ilaasinnaalersinneqarput. Matumani erinarsorsinnaaneq taamaallaat piumasarineqarluni.
- Napparsimasunik peqqissartunik erinarsoqateqartarnerput qiimmassaataasarpoq, aamma taakkua kalaallinik naapeqateqartarnertik nuannaarutigisaqaat. Siulittaasoq Carsten Siegstad oqarpoq.
Aavaakkunnut ilaasortaaneq ukiumut 200 koruuneqarpoq, ilinniartulli akikinnerusumik ilaasortaasinnaasarput.