Politikki Inuussutissarsiutit

Tartupaluk: Aatsitassarsiornissamut akuersissuteqartoqarnera saqitsaassutigineqalersoq

Ingerlatseqatigiiffik namminersortunit pigineqartoq Tartupalummi aatsitassarsiornissamut akuersissummik Canadami oqartussanit januaarip qaammataani tunineqarpoq. Tamannali Danmarkip nunattalu Canadamut isumaqatigiissutaannut akerliuvoq, danskit nunanut allanut tunngasunut ministereqarfiat taama isumaqarpoq.

Allattoq Helle Nørrelund Sørensen

apriilip 24-at 2019 07:52

Nutserisoq Simon Uldum

Qeqertaarannguaq nunatta Canadallu akornanniittoq Tartupaluk takuinnarlugu qaarsuinnaallunilu soqarpasinngilaq.

Ingerlatseqatigiiffilli namminersortunit pigineqartoq ilaatigut Tartupalummi aatsitassarsiornissamut akuersissummik Canadami oqartussanit ukioq manna januaarimi tunineqarpoq, nittartagaq Altinget Arktis taama allaaserisaqarpoq.

AAMMA ATUARUK Nunanut allanut ministeri Tartupaluk pillugu: Isumassarsiaq nutaaliorneruvoq

Tamatumali nalunaarutigineqarnera danskit nunanut allanut ministereqarfiata Canadap naalakkersuisuinut maalaarutigaa.

Tartupalummut piginnittussaaneq Kunngeqarfiup Danmarkip Canadallu 1970-ikkunili saqitsaassutigaat.

Nunallu taakku 2018-imi isumaqatigiissutigaat qeqertaaqqamut tunngatillugu killeqarfiup aalajangernissaanut suleqatigiissitaliortoqassasoq.

AAMMA ATUARUK Olsvig: Tartupaluk Inuit Nunaattut isigineqalerli

Aatsitassarsiornissamullu akuersissuteqartoqarnerata Danmarkimit maalaarutigineqarnerata kingorna Canadami naalakkersuisut akuersissut maanna utertippaat, ingerlatseqatigiillu Tartupalummi aatsitassarsiorsinnaatitaajunnaarpoq.

Altinget Arktisili naapertorlugu Tartupaluk aatsitassanik nassaarfiusimanngisaannarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Tartupaluk: Aatsitassarsiornissamut akuersissuteqartoqarnera saqitsaassutigineqalersoq

Aamma atuaruk