Aatsitassarsiornermut pisortaqarfik avoqqaaritippoq
Naalakkiut 2007-imi pivoq. Pisortaqarfiup taamani paasivaa, angut katersinissaminut akuersissummik pisussaasimagaluartoq. Tamanna ilumoornersoq ombudsmandip aalajanginngilaa, kisiannili pivaa Aatsitassanik Ikummatissanillu pisortaqarfiup peqqussutaa, tassa angut tamakkuninnga katersisinnaatitaanngitsoq.
Pisortaqarfilli taama naalakkiisinnaanngilaq.
Aatsitassat pillugit inatsit, januaarip aallaqqaataani atorunnaartoq, tunngavigalugu Kalaallit Nunaanni najugallit akuersissummik peqqaaratik rubininik katersisinnaatitaapput.
- Kisianni angut inatsimmik unioqqutitsigaluarpalluunniit Aatsitassarsiornermut Pisortaqarfiup katerseqqunagu naalakkertussaanngilaa, ombudsmandi naliliivoq, Pisortaqarfiulli angut siunnersorsimasussaangaluaraa ilanngullugu erseqqisaatigalugu.
- Ombudsmandip oqarnera tusaatissatut tiguarput malissavarpullumi, Aatsitassanut Ikummatissanullu Pisortaqarfimmi pisortaq, Jørn Skov Nielsen, oqarpoq.
Aatsitassat pillugit inatsit nutaaq Inatsisartut 2009-mi akuersissutigaat. Taamanikkut aalajangiunneqarpoq maanimiut akuersissummik peqqaarnatik rubininik katersisinnaanerat atorunnaassasoq. Siunissamilu tassa akuersissummik tamatigut peqqaarluni rubininik katersisoqarsinnaalissaaq.
