Aatsitassarsiorneq pissarsiffigilluarneqarsinnaavoq
Narsami aatsitassaqarfimmi Kuannersuarmi aammalu Tunulliarfimmi aatsitassaqarneranik misissueqqissarnerit, misissuinermi akisussaasunut Australiameersunut Rembal-ikkormiunut, suleqataannut tuluusunut West Strip-ikkormiunut Narsallu Kommunianut siunissami ajunngivissumik aningaasarsiornikkut kinguneqarluarsinnaapput.
Taama isumaqarpoq nunatsinni aatsitassanik nukissiuutinillu misissuinermik Australiami suleqatigiiffiup, Greenland Mineral and Energy-p siulersuisuni siulittaasoq Hans Kristian Schønwandt.
-Akilersinnaasumilli nalilerneqarpata, taava eqqaamaqqunarpoq, aatsitassanik piaasoqalersinnagu piaaffissaq pilersaarusiorneqaqqaassammat. Imaassinnaavoq ukiut pingasut qaangiuppata tamanna aallartissinnaajumaartoq, Schønwandt oqarpoq.
Ukioq manna 15-20 millionillu akornanni aningasaliisoqarpoq. Siunissamilu Narsap Qaqortullu kommuniisa pilersaarut iluaqutigilersinnaagaat Schønwandt eqqoriaavoq.
