Aatsitassarsiorfimmi Greenland Minerals and Energymi ikinnerussuteqarluni piginneqataasoq Westrip eqqartuussivimmut suliassanngortitsisuuvoq.
2010-mi immikkut ittumik ataatsimeersuarnermi isummatik tusaaniarneqarsimanngimmata Greenland Minerals and Energy Westripip eqqartuussisulersuunnialerpaa.
Greenland Minerals and Energymi paasissutissiisartoq, Erik Holmsgaard, tusagassiuutinut oqaaseqarusunngilaq, tusagassiuutitigulli ima allappoq:
- Narsami Kuannersuarni suliniarluta piareersarnerput Westripimi piginneqataasut ataasiakkaat ukiuni kingullerni ajornarnerulersinniarsaraat, Greenland Minerals and Energy naliliivoq.
Suliffeqarfik ilisimatitsivoq, pisoq eqqartuussissuserisuminnut tunniutereeritsik. Pisorlu ingerlatillugu paasissutissanik allanik oqaaseqarusunngikkallarlutik.