Aatsitassaqarnermut inerisaavik pilersinneqalerpoq
Piareersarfiit, Suliffissarsiuussisarfiit kiisalu suliffeqarfiit aatsitassarsiornermik aallutallit ataqatigiissaarneqarlutillu suleqatigineqassapput. Taakkualu pisariaqartitaat aallaavigalugit Qaarusulerinermut Aatsitassarsiornermullu Ilinniarfimmi ilinniartitsinerit tulluarsaavigineqartassasut, Qaarusulerinermut Aatsitassaqarnermullu Ilinniarfimmi pisortaq Hans Henriksen oqarpoq. Aatsitassarsiorneq pillugu Inerisaavissami sulisussat massakkut atorfinitsinnissaat sulissutigineqaleruttortoq Hans Henriksenip oqaatigaa, junimilu ammarnissaa naatsorsuutigineqarpoq.
Massakkorpiaq aatsitassarsiornermik qaarusulerinermillu sulisussanik pisariaqartitsineq annertusigaluttuinnartoq Hans Henriksenip aamma erseqqissaatigaa. Aatsitassarsiornermi sulisussat nunatsinni pisariaqartinneqaraluttuinnartussaapput, taakkualu kalaaliusariaqarput, Qaarusulerinermut aatsitassarsiornermullu Ilinniarfimmi pisortaq oqarpoq.
Nunarsuatsinni aningaasarliorneq qaangiukkiartormat aatsitassarsiornermik suliallit aningaasaateqarnerulermata iluattittoqarnissaanik ilimasuuteqarnerulerpugut, Hans Henriksen oqarpoq.
Inuutissarsiornermut naalakkersuisoqarfiup Aatsitassap pillugit Inerisaavissaq aningaasalersussavaa.