Aatsitassanut piginnittussaaneq namminersornermut aqqutaava?

Soorluuna Nunatta ilua kalaallit nam¬minneq aqunnialeraat, taa¬maalillutillu aatsitassat nam¬mineq iluaqutigisinnaan¬ngor¬lugit.

Aningaasaqarnermut inuussutissarsiutinillu ineriartortitsinermut suleqatigiissitami isumaqatigeeqqammerput, Kalaallit Qallunaallu Namminersorneq pillugu isumalioqatigiissitaannut innersuussutiginiarlugu aatsitassarsiornikkut isertitaalerumaartut Nunatta nammineq pisassagai.

Suleqatigiissitaq naapertorlugu, naalagaaffiup tapiissutai allannguuteqaratik ingerlaannassapput, aatsaalli aatsitassanit isertitat 75 millioner koruunit qaangerneqarpata, isertitat affaat Danmarkilu avinneqartassallutik.

Tusakkat isumalluarnartut namminersornissaq qanilliallatseqqippaat.

Tassami qaqugu aatsitassanit isertitat ima amerlatigilissappat, nunatta namminersornissaanut aningaasalersuutaasinnaallutik?

Naatsumik oqaatigalugu, siunissamut qanoq pilersaartoqarpa?

Itisiliinermi Siumup politikikkut oqaaseqartartua, Lars-Emil Johansen, Kalaallit Qallunaallu Namminersorneq pillugu isumalioqatigiissitaata allattoqarfiani pisortaq, Jacob Janussen aamma NunaMineral A/S-ip pisortaa Ole Christiansen peqataapput.

www.knr.gl/itisiliineq alakkaruk, pingasunngormat apriilip aqqarnani aallakaatitaq tassani isiginnaarsinnaavat.