Aatsitassanut inatsisissaq Stenklubip ernumanartoqartinngilaa

Aatsitassanut inatsisissaq, Inatsisartut inaarutaasumik aqagu suliarisassaat, ujaqqerituut peqatigiiffiata, Grønlands Stenklubip ernumanartoqartinngilaa. Ujaqqerituut taamaalillutik Peqatigiiffik 16. august isumaqatigiingilaat, oqarmata, inatsississaq tuaviuussaasoq innuttaasullu soqutigisaat tunulliunneqartut.
Allattoq Jens Thorin
novembarip 26-at 2009 10:22

Inatsisissap ujaqqerituut periarfissiissutai Grønlands Stenklubip siulittaasuata, Bjarne Ljungdalip, tunngaviatigut iluarisimaarpai.

Kikkulluunniit, Kalaallit Nunaanni najugaqartutut inuit allattorsimaffianni allatsissimasut, ujaqqanik pinnersaasiassanik aatsitassanillu 100.000 koruunit tikillugit nalilinnik ukiumut katersuisarsinnaasut, inatsisissami allassimavoq. Kinaluunniit taamaaliorsinnaavoq, akuersissuteqaqaarani.

100.000 koruuninit naleqarnernik katersigaanni, Aatsitassanik annikitsumik misissuinissamut piiaanissamullu Aatsitassanut pisortaqarfimmiit akuersissummik peqarnissaq pisariaqarpoq.

Inatsisissaq tuaviuussaanerarlugu inmnuttaasullu soqutigisaannik tunulliussinerarlugu Peqatigiiffik 16.august aqagu akerliussutsimik takutitsiniarpoq.

- Kisianni nunat allat inatsisaannut naleqqiukkutsigu, inatsisissaq ajunngilluinnarpoq. Bjarne Ljungdal Peqatigiiffik 16. augustimut taama ammasunik allappoq.

Bjarne Ljungdalilli inatsimmi malittarisassat avammut tuniniaanermut tunngasut isornartoqartippai, allaffissornikkullu periaatsit pisariinnerulersinneqarsinnaasut isumaqarluni.

Inatsisilli isumarpiaa akuerineqarsinnaasoq, ujaqqerituut peqatigiiffiata Grønlands Stenklubip siulittaasua, Bjarne Ljungdal allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq