Aatsitassamik nutaamik nassaartoqarnera aluminimiumik aatsitsiviliortoqarnissaanut neriulersitsivoq

Aatsitassamik nutaamik anorthositimik Itillip kangerluata qinnguani nassaartoqarneratigut aatsitsivimmik Maniitsup qeqertaani sanasoqarnissaanik aalajangertoqarnissa piffissaq qaniinerusoq eqqarsaatigalugu neriulersitsivoq. Qeqqata Kommuniani qinikkat aamma aatsitassanut ataatsimiititaliami siulittaasup naassartoqarneratigut aluminimiumik aatsitsiviliortoqarnissaa neriuutigaat. Anorthosit aatsitassaavoq aluminamik, siliciumimik calciumimik akoqartoq.
Allattoq Peter Troelsen, Simon Uldum
oktobarip 09-at 2013 10:21

Nassaartoqarnera ajornannginnerulersitsissaaq, aatsitassanimmi Nunatsinnit ungasissupilussuarmit assartuisoqartariaqassanngilaq, aluminiliornissamullu aatsitassanik imminut pilersortoqarsinnaassalluni. Aammattaaq erngup nukinganik nukissiorfinnik nukissamik pilersuisoqarneratigut aluminiliorfinnut allanut naleqqiullugu avatangiisinik annerumik qajassuussisoqarsinnaassaaq.

Borgmesterip Herman Berthelsenip aamma Aatsitassanutu Attaveqaqatigiinnermullu Ataatsimiititaliami siulittaasup Gedion Lyberthip Maniitsup eqqaani aluminiumik aatsitsiviliortoqarnissaa neriuutigaat. Hudson Resources anorthositimik annertuupilussuarmik nassaartuusoq sumiiffimmi piiaanissamik Aatsitassanut aqutsisoqarfimmut qinnuteqarniarluni maanna ulapputeqarpoq.

Piiaavik suliffinnik 25-it missaannik pilersitsiffiunissaa ilimagineqarpoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk