Aatsitassalerinermik Ilinniarfik ASAS-imit akuerisaalerpoq
Aatsitassalerinermik Ilinniarfiup entreprenørinik, piiavinni aatsitassarsiornermilu pikkorissaanernik ilinniartitaanernillu pitsaanerpaamik qaffasissusilinnik neqerooruteqalernissani sivisuumik anguniarsimavaat, maannalu taamatut akuerisaalernikkut tamanna anguneqarpoq.
- Aatsitassalerinermik Ilinniarfiup pikkorissaarnerit assigiinngitsut marluk 2010-miilli neqeroorutigisalerpai, tassalu angisuunik nussuinissamut maskiinanik 15 kW sinnerlugu angitigisunik atuinissamut, tamatumanilu pineqarput kussiuutit, nivaartarsuit, assaatit assartuussuillu. Det ene kursus er ”Maskinfører opgradering” som 24 har gennemført. Pikkorissaanerit aappaat, pikkorissartut 97-it ingerlassimasaat ateqarpoq ”Maskinkursus Surface Mining”, Aatsitassalerinermik Ilinniarfimmi ilinniartitaanermut pisortaq Hans Hinrichsen oqaluttuarpoq.
Taamatut ilinniartitsineq 2010-miilli isumannaallisaanermik suliffeqarfmmit inge Eriksenimit Norgemeersumit isumagineqarpoq. Suliffeqarfiup taassuma aamma Aatsitassalerinermik Ilinniarfiup atuarfimmi ilitsersuisussanik ilinniartitsinerani aamma ikiuussimavoq.
-Aatsitassalerinermik Ilinniarfiup ilitsersuisut arfinillit januaarimi februaarimilu angisuunik nussuinissamut maskiinanik atuinermik ilinniartitsinissamut ilitsersuisussatut allagartartaartut maannamut ilinniartissimalerpai. Ilinniartitaaneq taanna norgemiut isumannaallisaanikkut suliniaqatigiiffimmit Noorsimit isumagineqarpoq, Aatsitassalerinermik ilinniarfillu suliniaqatigiiffimmut tassunga aamma ilaasortaavoq, Hans Hinrichsen oqaluttuarpoq.
