Aatsaat taama ukiukitsigisumik pissartanngortoqarpoq

Formel 1-ip oqaluttuarisaanerani aatsaat taama ukiukitsigisumik nunarsuarmi pissartanngortoqarpoq, Sebastian Vettel ippassaq pissartanngormat.
Allattoq Apollo Jeremiassen
novembarip 15-at 2010 08:57

Abu Dhabimi sukkaniunnermi 23-nik ukiulik tyskiusoq, Sebastian Vettel ukioq manna pissartanngorami qaangerpai Fernando Alonso aamma Red Bullimi holdeqatini Mark Webber.

Ippassaq sukkaniutinnginnermi Vettel pingajuulluni inissisimagaluarpoq - 15-it pointinik Alonsomit appasinnerulluni aamma Webberimit pointinik arfineq-marlunnik ikinnernik peqarluni.

Siullersaalluni måålinut anngukkami Vettel 25-nik pointinnappoq, taakkulu naammarujussuarlutik nunarsuatsinni pissartanngorneranut, tassami Alonso normu 7-iulluni apuukkami Webber normu 8-taasoq.

2006-mi Vettel Formel 1-mi sukkaniuttaleramili sukkasuupilussuarmik siuariartorsimavoq. Formel 1-mi sungiusarluni nunarsuarmi rekord-eqarpoq, tunuleriiaarluni aallarnermi saarlersaalluni aallartartuni nukarlerpaasusimalluni, grand prix-qarnermi ajugaasuni nukarlersaasimalluni aammalu tassa maanna nunarsuatsinni pissartat nukarlersarilerlugu.

Vettel aappaagu sukkaniunnermi aamma Red Bull-imiissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq