Aatsaat taama sakkortutigisumik ajunaarnersuaqarpoq

Sulilu taakku suli inissiffissarsineqanngitsut, Naalagaaffiit Peqatigiit nalunaarusiaanni nutaami takuneqarsinnaavoq.

- Naalagaaffiit Peqatigiit oqaluttuarisaaneranni aatsaat taama sakkortutigisumik ajunaarnersuaqartoq, Naalagaaffiit Peqatigiit Pakistanimi oqaaseqartitaat Maurizio Giuliano oqarpoq.

Taassuma oqaatigaa, nunap kujasinnerusuani nunap immikkoortuani Sindh-imi ulluni kingullerni qarsutsineqarneratigut angerlarsimaffeeruttut amerlanerulersut.

Maurizio Giuliano aamma oqarpoq, Naalagaaffiit Peqatigiit pilersinneqarmatali, inuit maanna ikiorneqarnissaminnik pisariaqartitsisut aatsaat taama amerlatigissagunartut.

Taamaattorli naak ajunaarnersuaqaraluartoq tamannalu Pakistanimut aningaasarpassuarnik aningaasartuutaagaluartoq, peqqarniissaarniat sakkulersortut tamanna tunuarsimaarutiginngilaat.

Naalagaaffiup avannaani kitaani illoqarfiup Kohat-ip eqqaani politeeqarfik ippassaq ualikkut qaartartumeerneqarmat, ikinnerpaamik sisamat toqutaapput 20-llu sinneqartut ikiligaallutik.

Qaartartumeerinermi toqutasut ilaat arnaallutillu meeraasut, politiit oqaaseqartitaata oqaatigaa.

Muslimit ingasattajaarniat ulluni kingullerni qaartartumeerisarneranni katillugit inuit 100-t missaat toqutaapput.