Aatsaat taama isseqanngitsigaaq
Kalaallit Nunaanni sumiiffinni arlalinni Januaari issaasappoq. Nunatta kujasinnerusuani, Paamiuni, Qaqortumi Kangerluarsorutsimilu 1958-imili aatsaat taama isseqanngitsigisoq, DMI-p nittartagaani allaaserineqarpoq.
Allattoq Apollo Jeremiassen
februaarip 05-at 2010 06:37
Kangerluarsorutsimi januaari tamaat agguaqatigiisillugu 0,3-mik kiassimavoq. 1961-miit 1990-mut agguaqatigiisillugu 4,1 grademik ississittarsimalluni.
Qaqortumi januuari agguaqatigiisillugu 0,1 gradeinik kiassimavoq, 1961-miit 1990-ip tungaanut agguaqatigiisillugu 5,5 gradinik issittaraluarpoq. Tasiilaq januaarimi agguaqatigiissillugu 2 gradenik ississimavoq, 1961-miit 1990-mut agguaqatigiisillugu 7,5 gradenik issittarsiamgaluarluni.
Siorna decembarimili Kalaallit Nunaat isseqanngiganjappoq ukiup taamaalineranut naleqqutinngitsumik, sulilu tassa ulloq manna tikillugu nerumilluni.
