Aataarpassuit Labradorip sineriaani toqorarput

Aataat aataarsuillu amerlasoorpassuit Labradorip kujasissuata avannarpasissuatalu sineriaani piniartunit nassaarineqartuarput. Aviisimi Labradorian Newsimi allassimasut naapertorlugit, puisit taakku sinerissamut

qanillisalersimaqaat.

Puisit toqungasorpassuit sinerissamut taama qanitsigisumi ukiup taamasinerani takullugit eqqumeeqaaq, Labradorimili avatangiisit pillugit aqutsisoqarfimmit isumaqarput, puisit silap kissatsinnera pissutigalugu piarartaajaartalersimasut. Immaqa aamma sikup annikillisimanera pissutigalugu aataat uumasut sinerissamut pisarnermiit qanillattornerusalersimapput. Peqqutaasinnaasoq alla aamma tassaasinnaavoq puiserpassuaqalersimanera, Canadami naatsorsueqqissaarfiit puisit 7 miilioninik amerlassuseqarnerartarpaat.

Aataat aataarsuillu toqungasut siulliit Labradorip sineriaani decembarip aallartisimalernerani siumorneqarput.