Aataa meeraagallarmat erinarsuutit

Meeqqanut erinarsuutit 1960-ikkunniit 80-ikkunnut immiussaasarsimasut Atlantic Music suleqatigalugu KNRip cd-nngorlugit saqqummersippai.

Cd-mik saqqummerlaamik tusarnaartussat ilaat immaqa qeersaalereerput. Cd pineqartoq tassaavoq 'Qiimalluni nuan' meeqqat erinarsuutaanik KNRip toqqorsivianit immikkut toqqartukkanik imaqartoq.

- Toqqorsivimmi sulisut suleqatigalugit erinarsuutit ullutsinni tusarsaajunnaartut katersorlugit saqqummersippagut, KNR Ineriartortitsivimmi pisortaq Niels Pavia Lynge oqarpoq.

Erinarsuutit ilaat tassaavoq Erno Aronsenip sanaava 'Pituaq pernarmat' nukappiaqqap puisimik pernarnera pillugu erinarsuusiaasoq. Aamma erinarsuutit allat 34-it 1960-ikkunniit 1980-ikkut ilanngullugit ingerlaneranni immiussaasut saqqummersinneqarput.

- Siusinnerusukkut cd 'Saarfaarsunnguit' saqqummersinnikuuarput tassani meeqqat erinarsuutaat nutaanng0rlugit immiunneqarnerat saqqummersinneqarmat. Kisianni suli KNR-ip toqqorsiviani erinarsuuterpassuaqarpoq tusarsaajunnaartunik. Erinarsuutit ilarpassuinut ullutsinni angajoqqaajusut erinarsoqataasinnaapput immaqalu aamma eqqaamasanik qaffakaatitsisinnaassallutik, Niels Pavia Lynge oqarpoq.

KNRip immiussaatitoqai Atlantic Musicip Københavnimi immiussisarfiani nipigissaqqeriarlugit maanna saqqummersinneqarput. Atlantic Music aamma cd-mik siammarterisuuvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat