Aasianni politiit juullikkunni ulapaarput
Angut 40-nik ukiulik nuliaminut persuttaareersoq Aasianni politiinit juulliaqqami unnuap qeqqaliivissoq tigusarineqarpoq.
decembarip 27-at 2010 09:22
Angutip nuliani 36-nik ukiulik juulliaqqami issiviammik niaqutigut anaasimavaa 10 centimeterisut tatigisumik niaquata tunuatigut kilerlugu.
Politiit pisumik napparsimavimmiit kalerrinneqareerlutik, angut angerlarsimaffimminiittoq tigusaraat. Tigusarinninnermi aappariit meeraat ukiukitsut inunnik isumaginnittoqarfik suleqatigalugu ilaqutaasunut inissikkallarneqarput.
Angut, politiinit nuliaminut siusinnerusukkut persuttaasimasut suliassaqarfigineqareersoq, juullerujummi eqqartuussivimmut sassartinneqarami ulluni 28-ni tigummigallagassanngortinneqarpoq.
Persuttaasimanermut suliaqarnerup saniatigut Aasianni politiit juullip ulluini arfineq pingasoriarlutik angerlarsimaffinni eqqissiviilliornernut orniguttariaqarsimapput.
