Aasianni politiit ilisimannittunik ujaasipput

Aasianni politiit ittuat, Aqqaluk Petersen taama oqaluttuarpoq.

Angut inuusuttoq 20-t missaannik ukiulik inatsit tunngaviusoq aallaavigalugu sapaatip akunnerata naanerani killisiorneqareerluni sapaatit akunnerini sisamani tigummigallagassangortinneqarpoq.

Angut marloriarluni persuttaasimasutut pasineqarpoq.

Angutit marluk persuttarneqarsimammata, Aasianni politiiit tallimanngornerup arfininngornerullu akornanni tallimat qeqqata missaaani aggersarneqarput,

Politiit illoqarfiup qeqqani Pisiffiup niuertarfiata eqqaani persuttaaffiusumut takkukkamik, angutit marluk ilisimanngitsut siumorpaat.

Angut inuusuttoq suaartaqaluni pisoqarfiusumiit qimagutilersoq politiit tikiupput, politiinillu saaffigineqarami, angutit taakkua persuttarsimallugit nassuerpoq.

Persuttarneqarsimasup aappaa suli ilisimmanngitsoq napparsimmaviliaanneqarpoq. Kisianni taanna ullup ingerlanerani angerlarpoq.

Persuttarneqartup aappaa politiit takkussimalersut ilisimmarsimavoq, nammineerlunilu angerlarluni. Taanna aamma politiinit oqaloqatigineqareerpoq.

Persuttaasutut nassuertoq taannarpiaq allamut persuttasimasutut politiinut arfininngornerusoq suli nalunaarutigineqarpoq. Angut inuusuttoq angutinik marlunnik suli persuttaatigani allamik aamma persutaasimasasorineqarpoq.

Pisut marluk taakkua politiit tamakkiisumik suli ilisimasaq2arfigionnginnamikkit, takunnissimmasunik ujarlerput.

- Pisunut marlunnut pinngitsoorani takunnittoqarsimassaaq. Persuttaanerit tamarmik imerniartarfiit matunerisa kingorna, inuppassuit angerlakaanerisa nalaanni pipput, Aasianni politiit ittuat Aqqaluk Petersen oqarpoq.

Aasianni politiit oqarasuaatikkut 89 42 22-imut sianerluni attavigineqarsinnaapput.

Tassalu Aasianni tallimanngornerup arfininngornerullu akornanni unnuami persuttaasorneranik ilisimannittut

89 42 22-imut sianersinnaapput.