Aasianni angut unatartilluni toqutaavoq
Angut Aasianni inissiami arfininngormat saassunneqarpoq. Napparsimmavimmut unitsinneqarpoq, ullorlu taanna kingusinnerusukkut Nuummi Dronning Ingridip Napparsimmavissuanut aallarunneqarluni. Angut niaqqumigut annertuumik ajoquserneqarsimavoq.
Allattoq Peter Troelsen, Simon Uldum
Politiit ulloq taanna inuit marluk tigusaraat, aappaalu arnaavoq 18-it inorlugit ukiulik. Sapaammi februaarip pingajuani inatsit tunngaviusoq naapertorlugu killisiorneqarput tigummigallagassanngortinneqarlutillu.
Pingasunngormat februaarip arfineq aappaani angut niaqqumigut ajoqusersimasoq ajoqusersimanini toqqutigaa, tamannalu pissutigalugu suliaq toqutsinertut politiinit paasiniaaffigineqarpoq.