Aasiaat umiarsualivianni ippassaq ulapputtoqarsimavoq
Taamatut iliornerit Greenpeacep umiarsuaanut Esperanzamut, nittartagaq marinetraffic.com naapertorlugu Davisstrædikkut avannamukartumut attuumassuteqarnersut Aasianni politiit imaluunniit politimesterip tulliata Morten Nielsenip Nuummiittup, oqaaseqarfigiumanngilaat.
- Tamanna uppernarsarsinnaanagulu ilumuunnginnerarsinnaanngilara, Morten Nielsen Radioaviisimut oqarpoq.
- Soorunami Greenpeacep suliniutiminik aallartitsisimasoq Kalaallit Nunaatalu sineriaaniittoq arajutsisimanngilarput, tamannalu soorunami isumaliutissaqalersitsillunilu naliliinernik pilersitsivoq.
Nittartakkassinnili atuarsimasattut Greenpeacep pilersaarutini oqaatigiumanngilai, taamaalillutalu uagut aamma pilersaarutivut oqaatigiumanagit, Morten Nielsen oqarpoq.
- Taava apeqqummut tassunga oqaaseqaatissaqanngilanga, politimesterip tullia KNR-imut oqarpoq.
