Aasaq sialoqanngitsoq kiattorlu

Kalaallit Nunaata kitaani aasaq manna kiallunilu sialoqannginnera, DMI-mit misissuiffigineqareerluni nalunaarutigineqarpoq.
Allattoq Oline I. Olsen
septembarip 08-at 2009 10:45

Narsarsuarmi sialuk 2 millimeterisut annertutigisoq juulimi tuppoq, naak naliginnaasumik juuli qaammat sialuk 65 millimeteri tuttaraluartoq. Nuummi sialuk 1,4 millimeteri juulimi tuppoq, naak 86 millimeteriusaraluartoq. Sialoqannginnerujussuaq kingullermik juulimi 1933-mi pivoq.

Sialoqannginneq kiisalu kiannerujussua naasoqarnermut sunniuteqarpoq, Pituffimmiit kujammut Narsarsuaq tikillugu masaqarsoqarfiit panertut aamma nalunaarutigineqarpoq.

Kiarujunneq aamma Qeqertaaluup kangerliumarngata imaani malugineqarpoq. Imaq kiassimaqaaq, piffiit ilaanni 10 gradet tungaanut kissassuseqarsimalluni, naliginnaasumiillu 7 gradenik kiannerusimalluni. Ukiassalerneranili issittumi taartaleriarpat, Qeqertaaluup kangerliumarnnga nillertikkiartulerumaarpoq, novembarimilu sikunissaa DMI-mit naatsorsuutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq