KNR-mi atortorissaarutit nutaat ikkusuunneqarnerat ataatsimut isigalugu iluatsilluarsimavoq, taamaakkaluartoq teknikki suli iluarsivinneqanngitsoq ajornartorsiutaasoq, Kalaallit Nunaata Radioani pisortaq Lars Lennert Sandgreen oqarpoq.
Eqqugaasullu ilagaat unnugu Qanoruup aasaanerani sapaatip-akunnikkaarlugit aallakaatittagaa Aasaannaqaaq. Aasaannaqaaq unnugu aallakaatinneqanngitsuussaaq.
Isiginnaartartut Qanorooqaraangat malugisimagunagaannik nipaa assitaalu ataatsikkoorneq ajorput, ajornartorsiullu taanna qaangerasuarniarlugu teknikeri Danmarkimeersoq ulluni makkunani KNR-mi sulivoq.
Sulinerata nalaani KNR-imi atortorissaarutit aallakatitassiornermut aallakaatitsinermullu atortut unitsikkallarneqarput.
- Ajornartorsiutip ulluni aggersuni anigorsimanissaa naatsorsuutigaarput, taamaattumillu sapaatip-akunnerata tullianiit nalinginnaasumik ingerlaleqqissaagut, Lars Lennert Sandgreen oqarpoq.