Aasaanerani nalunaaqutaq eqqaamasiuk
Nalunaaquttap siuartinnissaa piffissanngungajalerpoq. Arfininngorpat marsip 29-ianni aasaanerani nalunaaqutaq atuutilissasoq, Namminersorlutik Oqartussat nalunaarput.
Allattoq Carla Davidsen
Kitaani unnukkut qulinngorpat nalunaaqutaq aqqaninngortillugu siuartinneqassaaq. Tunumi aatsaat aqaguani tamanna pissaaq. Sapaammi marsip 30-ianni nalunaaqutaq unnuap qeqqanut siuartinneqassaaq nalunaaqutaq ataasinngortillugu.
Pisarnertut sakkutooqarfinni Pituffimmi Danmarkshavnimilu nalunaaquttatik nikisissanngilaat, taakkunanimi aasaanerani ukiukkullu nalunaaqutaq atorneqanngilaq.