Aarsaartartoq Qinngorpumi ajutoortoq
Aarsaartartoq ataaseq Nuup ilaani Qinngorpumi ippassaq arfernup missaani ajutoorpoq.
Allattoq Karsten Sommer
Aarsaartartup qaqqap Ukkusissap eqqaani ajutoornera politiinut ippassaq nalunaaqutaq arfinermut tanneq aqqaninngortoq kalerriutigineqarpoq. Julie Senderovitz, Nuup politiivineersoq, KNR-imut taama oqarpoq.
- Angut ajutoorsimasoq Nuummi Qatserisartunit sumiissusersineqapallappoq, innaaqqissumi qerrut akornanniittoq siumorneqarpoq, erngertumillu oqqunneqarluni, Julie Senderovitz oqarpoq.
Ajoqusingaatsiarsimavoq, Dronning Ingridillu Napparsimmavissuanukaanneqarluni.
Angutip qanoq-innera politiinit ilisimatitsissutigineqanngilaq, soorlu aamma qanoq ajutoortoqarsimanersoq paasissutissiissutigineqanngitsoq.