Aarrup russit sakkutuuisa umiatsiaat kivisikkaa
![](/sites/default/files/styles/image_934x467/public/article_images/hvalros_-_foto_af_arne_moeller_qaqortoq_06_0.jpg?itok=Ng4lm-_l)
Aarrup saassussisup russit sakkutuuisa umiatsiaat Ruslandip eqqaani Issittup imartaani kivisippaa, nutaarsiassaqartitsivik CNN taama allaaserisaqarpoq.
Russit ilisimatusartui sakkutuuilu qeqertarpaat ilaannut, Franz Josef Landimut Inngikitsullip ungasinngisaaniittumut ilisimatusariartorlutik angalasut umiatsiami issimapput.
Ilisimatusarfiup Russian Geographical Societyp (RGO) nalunaarutaani allassimasut naapertorlugit aarrup saassussinerani ajoqusertoqaranilu umiatsiami issimasut tamarmik nunamut navianartorsioratik ikaarsimapput.
AAMMA ATUARUK Silap allanngorneriartornera issittumi uumasunut kinguneqarnerlussinnaasoq
Ruslandip illersornissamut ministereqarfia naapertorlugu aarrup arnaviaasup nukalluni illersorniarlugit saassussisimavoq.
- Russit sakkutuui aaqqissuussilluarnermikkut iliuuseqalertupallammata annerusumik ajornartorsiortoqanngilaq. Aarrit ajortumeernagit ningortissinnaasimavaat, ministereqarfik allappoq.
Russit ilisimatusartui sakkutuuilu Ruslandip Issittumi sakkutooqarfianeersuusut issittumi uumasut, naasut sikulu ilisimatusarfigiartorlugit Issittup imartaanut angalaqatigiikkiartorsimapput.