Aarrit amerliartorput
decembarip 20-at 2006 07:11
Svalbardimi aarrit amerliartortorujussuanngormata nungukkiartulernissaat ernummatigineqarunnaarpoq.
Taama ilisimatuut Norgemi issittoq pillugu ilisimatusartartut, aarrit amerlassusaannik ukiuni sisamani kisitsereerlutik nalunaaruteqarput.
- Maannakkut aarrit 2500-t missaanniipput, sulilu amerliartorlutik, ilisimatuut oqarput.
Ilisimatuut aarrinut Svalbardimiittunut nakkutiginninnertik 2011-p tungaanut ingerlatiinnassagaat, nutaarsiassaqartitsiviup euroarctic.com-ip allaaseraa.
