Aarrit 175-it pisarineqarsinnaapput
Naalakkersuisunut ilaasortap, Finn Karlsenip Piniarneq pillugu isumalioqatigiit, KNAPK, KANUKOKA-lu isumasioreerlugit aarrit 175-it pisarineqarsinnaasut imatut agguataarneqarnissaat aalajangerpaa:
Qaanaami 70-it Upernavimmilu qulit pisarineqarsinnaassapput.
Uummannami, Qeqertarsuarmi, Ilulissani, Qasigiannguani, Aasiannilu katillugit aarrit 23-t pisarineqarsinaassapput, Kangaatsiami 13-it, Sisimiuni 27-t Maniitsumilu marluk pisarineqarsinnaassallutik.
15-it Illoqqortoormiuni Ammassallillu kommuneani aamma 15-it pisarineqarsinnaassapput.
Finn Karlsenip erseqqissarpaa, aappaagu piniagassanik killiliineq nungusaataanngitumik piniarnissaq tunngavigalugu aalajangerneqartoq, taamaammallu sumiiffinni assigiinngitsuni piniagassaqassuseq naapertorlugu pisarineqarsinnaasut amerlassusilerneqartut. Nalunaarummi allassimasut naapertorlugit aarrit sissamut qaqisimaatarfiini piniaqqusaanngillat. Piaqqat arnavissallu taamaallaat Qaanaap kommuneani piniaqqusaallutik. Qaqugukkut suut sumi piniarneqarsinnaaneri nittartakkatsinni atuarneqarsinnaapput.
