Aarluarsuit tallimat illuinnarsuutinik aallaallugit USA-p imartaani aammaannartumi toqunneqarsimapput, Californiamilu nunamut tipisimallutik.
Aviisi Jyllands-Posten taama allaaserisaqarpoq.
Aarluarsuit takisuunik siggullit tallimat Californiami sissap Carlsbad State Beachip aamma Oceanside Harborip sissaata akornannut ulluni kingullerni tipisarsimapput.
Aarluarsuit niaquisigut illuinnarsuummik aallaaneqartarsimasut, oqartussaasut ilisimatitsipput.
Aarluarsuit aalisartunit toqunneqarsimanissaat oqartussaasut ilimagaat, aalisartummi neqitaat aarluarsuit nerisarisarpaat.
Aviisi Jyllands-Posten allappoq, aalisartut 100.000 koruuninik akiliisitaanissartik naatsorsuutigisinnaagaat, kingornalu parnaarussaassallutik.