Aaqqissuussaanermik iluarsaaqqinneq sukannernerulissaaq
Innarluutillit sullinneqarnerisa kommuninut nuunneqarnissaata januaari 2011-imut kinguartinneqarnerat kommunit uggoraat.
Taamaattumik kommunit qanimut suleqatigilluinnarlugit akisussaaffinnik tunniussinissamut pilersaarusiortoqarnissaa, nunami namminermi naalakkersuisup Anthon Frederiksenip neriorsuutigaa.
- Suliassat nammatassallu agguarneqarneri kommunit peqatigilluinnarlugit oqaluuserineqaqqittariaqarput, Anthon Frederiksen oqarpoq.
Politikkikkut allaffissornikkullu aqutsisussanik pilersitsinikkut piviusorsiornerusumik sulisoqarsinnaanissaa siunertarineqartoq, Anthon Frederiksenip Kanukokap Ilulissani ataatsimeersuarnerani oqaatigaa.