Aappariit hashimik eqqusseriaraluartut tigusarineqarput
Aappariit Nuummeersut ikiaroornartumik hashimik 762 grammimik oqimaassusilimmik eqqusseriaraluartut, politiinit tigusarineqarput. Haship ilaa iiorarsimavaat ilaa nassataminnut toqqorlugu ilaalu kaasarfimmiorisimallugu.
Allattoq Jaaku Lyberth
oktobarip 27-at 2009 11:27
Appariit Nuummi mittarfimmi politiinit oktoberip ulluisa 16-anni tigusarineqarput.
- Politiit Nuummi mittarfimmi misissuineranni aappariit nassataat qimmimit naamaartinneqarneranni hashimik nassartut paasineqarpoq, Nuummi politeeqarfimmi ikiaroornartut pillugit nakkutilliisut ilaat Rudi Schmidt, oqarpoq.
Aappariit Dronning Ingridip napparsimavissuani tarrarsorneqarneranni aqajarui ikiaroornartumik hashimik imaqartut paasineqarpoq.
Aappariit pinerluuteqarsimasunut inissiissarfimmi qaammatini pingasuni pineqaatissinneqarnissaat politiit piumasariniarpaat. Aappariit tigummigallassanngortinneqanngitsut sermitsiami allaaserineqarpoq.
