Aappaagumut aningaasaqarnissaq suli isumaqatigiinniutigaat
Inatsisartut aappaagu aningaasanut inatsisissaq isumaqatigiinniutigalugu maannakkorpiaq ataatsimiileruttorput. inatsisissarlu malittarisassat malillugit ullumi piareeqasussaavoq.
Aningaasanut inatsisissaq saqqummiunneqaqqaarmat, 102 millionit koruuninik amingartooruteqarnissaq siunnersuummi ilaagaluarpoq. Taamaannera Naalakkersuisut partiilluunniit naalakkersuisuutitaqartut nuannerinngilaat. Taamaammat isertitassanik nutaanik sipaarutissanilluunnik unjarlernissaq pisariaqarpoq.
Tamannali ajornaatsuinnaangitsoq paasinarsivoq.
Tassami siunnersuutit arlallit saqqummiunneqarpoq sussaarneqarlutillu.
Siullermik Naalakkersuisut inissianik tuniniaanissamik siunnersuutaat, 90 millionit koruuninik isertitsissutaasussaq tamaatinneqarpoq.
Taava aningaasat taakkua amerlaqataannik isertitsiniarluni Namminersorlutik Oqartussat Grønlandsbankenimi piginneqataassutaat tunineqassasut siunnersuutigineqarpoq. Aammali taanna taamaatinenqarpoq.
Taava Aningaasaqarnermut ataatsimiititaliap siulittaasua, Finn Karlsen, ippassigami oqaluttuarpoq, ataatsimiititaliaq isertitassanik nutaaanik nassaartoq. MAkrellinik aalisartut akitsuutinik akiliisassapput, Taamalilluni 90 millionit koruunit pissarsiarineqarlutik.
Kisianni ullumi INatsisartut atatsimiinnissaannut qallisoq aningaasaqarnermut naalakkersuisoq, Vittus Qujaukitsoq, siunnersuuteqaqqippoq pigineqaatasutinik tuniniaasoqassasoq. Maannalu Namminersorlutik OQartussat namminneq piginneqatigiiffiutat Grønlandsbank-imik piginneqataassutinik pisissaaq 60 millioninik isertitsissutaasussanik.
