Aapakaajaraq toquinnarpaat
Aalborgip uumasuusivissuaniit aapakaannguaq qimaasimasoq ullup qeqqanut radioaviisikkut ilanngunneqartoq toqunneqarpoq.
Aapakaajaraq kapucinerabemik taaneqartartoq ullut pingasut orpissuarmi kiffaanngissuseqareerluni ullup qeqqata kinguninngua nersutinik paarsisumit aallaaneqaannartariaqarsimavoq, taama paasissutissiivoq, uumasuusivimmi paarsisoq, Jens Lilleør, DR Nordjyllandimut.
Aapakaajaraq sapaatiummalli iniminiit qimaagami Vestre Allemi uumasuusiviup eqqaaniittumi orpiit noorpiaanni najugaqalersimavoq. Qimaaqqanermini nerisarisimavai tulugarnat mannii piaraalu.
Ullaaq uumasunik paarsisut aapakaajarannguaq tiguniarsarisimagaluarpaat. Nersutinut sinitsitsissutaasartumik periaraluarlugu uniorsimavaat, ullup´qeqqatalu kingornatigut Søndre Kirkegaardimut aapakaajarannguaq qimaasimavoq.
Aapakaajarannguaq kapucinerabemik taaneqartartoq aappassaanik sinitsitsissummik periaqqinneqaraluarsimavoq uniorneqaqqissimallunili, taamaattumillu uumasuusivissuarmi sulisuusut allatut ajornartumik apakaajarannguaq aallaallugu toquin-nartariaqarsimavaat. Taama Jens Lilleør, naggasiivoq.
