Canadap katersugaasivissua, The Canadian Museum of HistoryAssi: The Canadian Museum of History

Aanaqqiip uniarpungaava katersugaasivimmiittoq

Canadami naggueqatitta ilaquttamik oqaluttuassartaat katersugaasivimmi misigisassarsiorfigisinnaanngorpaat.

Canadap katersugaasivissuata The Canadian Museum of Historyp suliniuteqarneratigut, naggueqatigiit Inuit ilaquttaminnit nunaqarfimminniillu katersanik katersugaasivimmut alakkarterisinnaanngorput.

Katersugaasiviup pisortaa, Karen Ryan, oqaluttuarpoq naggueqatigiit Inuit inuunertik kinaassusertillu pillugit paasisaqarnerorusuttut immikkut alakkarterinissaannik katersugaasivik akuttunngitsumik aaqqissuussisartoq.

- Sunik katersaqarnersugut, taakkulu ullutsinni inuiaqatigiinnut qanoq iluaqutaasinnaanersut naggueqatigiinnut takutissinnaanissaat uatsinnut pingaartuuvoq, Ryan taama oqarpoq.

Katersat amerlanersaat toqqorsivimmiitinneqarput, amusarissaniilli puuiniillu qaqillugit takutinneqartarput, taamaaliornikkut ilaatigut aanaqqiip uniarpungaava imaluunniit aataap unaava takusinnaallugillu attorneqarsinnaapput.

Katersaatigineqartullu qanoq suliarilluagaatigineri inuppassuit alutorsaatigisarpaat. Taamatullu suliniuteqarneq katersugaasivimmit naggueqatigiinnillu inunnit pingaartinneqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat