Aamma illit utertoorpit?
Akileraartartut 22.800-it agguassavaat aningaasat 150,6 million koruunit.
Utertoortussanulli ilaagaanni oqartussanullu akiitsoqaraanni, taava utertoorutissat 25 procentiinnai utertoorutaassapput.
Akileraartartut kommuninut, INI A/S-imut Nukissiorfinnullu akiitsoqarput 28,6 million koruuninik, Namminersorlutillu Oqartussanut akiitsut 8,1 million koruuniullutik.
Akileraartartulli tamarmik utertoortussaanngillat, akiliinikippallaarsimanerulli kingorna akiligassinneqarlutik. 133 million koruunit innuttaasunut 9.800-nut ulluni makkunani akileqquneqarput.
45,3 million koruunit 2013-mut siumoortumik nalunaarsuinermut atatillugu ilanngunneqassapput, 87,7 million koruunillu pingasunngorlugit avillugit akiligassanngortinneqassallutik. Taakkulu akilerneqassapput ulluni septembarip aallaqqaataani, oktobarip aallaqqaataani novembarillu aallaqqaataani.
Akileraarutit pillugit annertunerusumik paasisaqarumagaanni Akileraartarnermut Oqartussaqarfik attavigineqarsinnaasoq nalunaarutigineqarpoq.