Aallartitat: Iranimut atomimik isumaqatigiissut inissikkiartorpoq
Iranip atomip nukinganik atuisinnaanissaanut isumaqatigiissutip 2015-imeersup nutarterlugu sapaatit-akunnerini kingullerni arfnilinni isumaqatigiinniutigineqarnera iluatsikkiartorpoq.
Europami atorflittat nuimasut pingasunngornermi taama oqarput.
-USA-p Iranimut immikkut ittumik sukannersumillu iliuuserisai sorliit atorunnaarsinneqassanersut pillugit isumaqatigiinniutigineqaleruttorpoq, tassungalu atatillugu suut Iranip pilliutiginiarnerai aamma isumaqatigiinniutigineqarlutik.
Isumaqatiginninniartitat Tysklandimeersut, Frankrigimeersut Tuluillu Nunaanneersut, E3-mik taaguuserneqarlutik, suleqatigiissitat aqqutigalugit Østrigip illoqarfiisa pingaarnersaanni Wienimi apriilip aallartisimalaarneraniilli naapeqatigiittarsimapput.
AAMMA ATUARUK Iranimiut atomimik nukiliornerat ilimagisamiit sukkanerusoq
Iranimi 2015-imi isumaqatigiissut atuutilerseqqinniarsarineqarpoq.
Isumaqatigiissut 2018-imili, USA taamanikkut præsidentiata Donald Trumpip isumaqatigiissummit peqataajunnaarmat, qajannarsisimavoq.
Iranip isumaqatigiissut aqqutigalugu pisussaaffilerneqarnera, kigaatsumik taamanikkulli Iranimit qimakkiartuaarneqarsimavoq. Iran isumaqatigiissutigineqartut qaangerlugit assersuutigalugu urani atorsinnaanngorsarnerulersissimallugu.
