Aallartitat akerleriissutaapput

Venezuelap Washingtonimi aallartitaa angerlartinniarlugu USA nalunaarpoq. Qaffasissumik atorfillit ilaat amerikamiuusoq ippassaq taama ilisimatitsivoq. Venezuelap amerikamiu aallartitani angerlartimmagu USA akiniaanialerpoq.

Washington Venezuelamut kusanaatsuliussagaluarpat Venezuelap USA-mut uuliamik tunisisarnera unitsinniarlugu Venezuelami præsidentip, Hugo Chavezip, ilutigalugu sioorasaarutigaa. Venezuela tassaavoq USA-mut uuliamik tunisisartut pingaarnersaat.

Venezuelap USA-p aallartitaanik angerlartitsinera TV-kkut takutinneqarpoq, aallakaatitamilu tassani Venezuelap USA aamma isornartorsiorpaa, Venezuelami pisunut akuliunnerarlugu, aammalu imminut uppititsinissaminut piareersarnerarlugu.

Boliviap USA-p La Pazimi aallartitaa angerlartereeraalu pisoq una pivoq, USA-llu akiniaalluni Boliviap Washingtonimi aallartitaa angerlartippaa.