Aallartitaq sakkutuujunerarneqartoq
Iranip Irakimut aallartitaa USA-p Irakimi sakkutuuisa naalagaannit sakkutuujunerarneqarpoq, immikkut sungiusakkatut sakkutuujunerarneqarluni.
Sakkutuut immikkut sungiusakkat taaneqartarput Irans Revolutionære Garde, USA-llu sakkutuuinik saassussisartuunerarneqartarlutik.
Sorsuttartoqatigiit Irakimiittut Iranimit sakkulersorneqarlutillu sungiusarneqartut oqaatigineqartarpoq.
Iranimit aningaasalersorneqarlutillu saassussinissamullu naalakkerneqartartut aamma oqaatigineqartarpoq.
Iranimiut Irakimi sorsukkumatuunik tapersersuigunarmata, Iranimiullu atomip nukinganik atuiniaannarmata USA-mit annertunerujartuinnartumik pasillerneqartalersimapput.
USA-p Irakimi sakkutuujutaasa naalagaat David Petraeus Iranimik pasilliisuuvoq, pasilliinerilli Iranimiut oqaaseqartittagaannit akueriumaneqanngillat.