Aallalersut PAS-itik nutartissallugit puigortaraat
Passit, aningaasat pappialallu. Tamanna nalunngilarput, kisiannili puiortarlutigu. Inuppassuit mitaarfimmut takkuttarput passeqarlutik atorunnaareernikunik. Tamatumalu kinguneraa utaqqiisaagallartumik ikiuiniarluni passinik sanaassisarneq. Københavnip Mittarfeqarfiani politiip, Gitte Klestrupip tamanna naatsorsuusiornermigut misissuiffigisimavaa:
Januaarilli aallaqqaataaniit qaammatillu pingasut qaangiunnerani kiisalu qaammatit arfinillit qaangiunneranni tassalu 2007-ip ingerlanerani utaqqiisaagallartumik ajornartorsiuissornermi passit nunanut allanut isernissamik uppernarsaatit 1104-it suliarisimavavut. Passillu taakkua taamaallaat angerlassutigineqarsinnaapput, politiassistent Gitte Klestrup, taama oqaluttuarpoq. Isumaqarpungalu inuit passiminnik paarsilluarsimanngittut nutarterisimanngitsullu amelavallaarujussuartut.
Billundip timmisartoqarfiani utaqqissaagallartumik ajornartorsiuissortunut 364-nik passinik sanaassisoqar-simavoq. Utaqqiisaagallartumik ajornartorsiuisornermi passit mittarfinni taamaallaat suliarineqarneq ajorput.
Januaarip aallaqqaataaniit aallartittumik DK-mi kommuneqarfiit utaqqiisaagallartumik passinik sanaassisalerput. Københavnimilu utaqqiisaagallartumik passit 2400-it sananeqarsimapput.
Kommuninilu innuttaasunut kiffartuussivimmi pisortaasup, Kurt Petersenip paasissutissiissutigaa, angajoqqaat nunanut allanut angalaniartut tassanngaannartumik inniminniisimatillutik meeqqamik passisaat aaniarlugit puigortaraat, inoqarportaaq passiminnik pisoqalisoorsimasunik aammalu soorunami passiminnik paarsisinnaanngitsunik ilaqarput.
Utaqqiisaasumik passi sananeqapallassinnaavoq, kinaassutsimik allagartat uppernarsaatit nassarneqarpata akiliutigineqartussallu 600,00 kr.-nit piareersimasuutigineqarpata.
Nunallu soorlu USA, Thailand, kingullertigullu
Tjerkkiet utaqqissaasumik passit atorneqarsinnaanerat akueriumasanngilaat. Nunanilu taakkunani express-passit kisimik atorneqaqqusaapput, express-passillu taamaallaat kommuneqarfinni ullup affaata ingerlanerani sananeqarsinnaapput.
Timmisartumullu USA-liartumut ilaaniaraanni iluameersumillu passeqarani allatut ajornartumik kisianni qimataanginnarluni.
.
