KNR TV Aallakaatitassiaq “Illeq” kulturimut tunngasunik imaqartartussaq

Aallakaatitassiaq “Illeq” kulturimut tunngasunik imaqartartussaq, KNR TV-ip sapaatip akunneranut marloriarluni septemberip aallaqqaataaniit aallakaatittalissavaa.
Assi © : KNR
aggustip 27-at 2020 14:38

Illerup minutsini 55-ini aallakaatinneqarnerani KNR-ip aallakaatitsisarfiani pulaartoqartassaaq, illoqarfinniillu assigiinngitsunit ilanngutassiisoqartassalluni.

Illermi Nunatsinni pisunik pisimasunillu sammisaqartassaagut.

Kulturikkut soorlu timersorneq, igatitsineq, eqqumiitsuliorneq piffissallu qanoq ilinerani piniagassat malillugillusooq sammisaqartassaagut, minnerunngitsumik ilaatigut nipilersortartunik appisimaartoqartassalluta.

Aallakaatitsinerni Facebook aqqutigalugu assinik piukkussanik nassiussisoqarsinnaavoq malinnaffigineqarsinnaassallunilu soorlu aamma SKYPEkkut Messengerikkullu attaveqaatit toqqaannarnermi atorneqartassasut.

Illermi saqqummiisuusassapput Nathan Kreutzmann, Bikki P. Kleist, Noah Mølgaard aamma Nûno Isbosethsen.
Illeq marlunngornerit sisamanngornerillu tamaasa nalunaaqutaq 20.00-imiit aallakaatinneqartassaaq.

Isiginnaarluarisi!