Aallaasersortoqarneranik nalunaarutiginninneq uppernarsineqanngilaq
Arnaq 67-inik ukiulik eqqunngitsumik nalunaarutiginnissimasutut unnerluutigineqassanersoq Nuummi politiinit aalajangerneqartussanngorpoq.
Allattoq Louise M. Kleemann
Arnaq Nuummi politiinut ualimut pingasup missaani sianerpoq oqaluttuarlunilu savimmik aallaammillu qunusaarneqarsimalluni.
Politiit arnap inaanut Nuussuup ilaani Saqqaanut ornigutsinneqarput, kisianni misissuinermi savik aamma aallaat qunusaarutitut atornerarneqartut nassaarineqanngillat.
Aamma qunusaarisutut unnerluutigineqartup atia allassimasuutigineqanngimmat piviusuunera politiinit apeqquserneqarpoq, taamaattumik arnaq eqqunngitsumik nalunaarutiginnissimasutut unnerluutigineqassanersoq massakkut eqqarsaatigineqartoq, Nuummi politiinit oqaatigineqarpoq.