Aallaaniat inatsisaatsuliortut

Kangerlussuup qinnguata eqqaani motoorlinnik angalaartartut, umimmannik ajoqusersuisartut, sakkortuumik pineqartariaqarput. Politiit, Namminersorlutik Oqartussat, Qeqqata Kommuniata, Qeqqani Inuussutissarsiornermut Siunnersuisoqatigiit aamma piniartut tamanna isumaqatigiissutigaat.
Allattoq Elisa Isaksen
februaarip 07-at 2013 10:14

Kangerlussuup aqutsivigineqarnerata pilersaarusiorneqarnera 2010-meersoq qanoq malinneqarsinnaanersoq katersuuttoqarneratigut qanittukkut januaarip naalernerani oqaluuserineqarpoq.

Iliuuserisassatullu pingaarnertut Qeqertarsuup avannaani motoorilinnik sisamanik assakaasulinnik aamma qamuteralannik ungoorisarneq unitsinniarneqarpoq.

- Unioqqutitsisumik piniartarnerup, umimmaat tuttullu Kangerlussuup qanittuanit qimaatitaanerannik kinguneqartup, unitsinneqarnissaa neriuutigineqarpoq. Kangerlussuarmi aqqusernit eqqaanni uumasut tamakkua qaqutiguulerimapput, tamannalu takornariat takornarialerisullu ikilinerannik kinguneqartoq, kommunip tusagassiuutinut nalunaarutaani allassimavoq.

Taamaattumik Kangerlussuup avannaatungaani alianaaqisumi qamutinik motoorilinnut akuersissuteqartarneq  taamaatinneqassaaq.

Politiit, piniarnermik nakkutilliisut,kommunillu pitsaanerusumik suleqatigiinnerisigut unioqqutitsilluni angallavigineqartarnera unitsinniarneqassaaq.

Tamatuma peqatigisaanik Inuussutissasiornermut Siunnersuisoqatigiit aallaaniartartunut tamaanilu najugalinnut paasissutissanik amerlanerusunik suliaqassapput, malittarisassat taamaalillutik ersarissarneqassammata, soorlu aamma takornarinut ilisimatusarlutillu angalasunut quppersagaliortoqarniartoq.   

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk