Aalisartut internet-ikkut pisiniarnersaapput
Nunatsinni internet-ikkut pisiniarneq ingerlalluarpoq. Tamannalu KNI aamma malunnaateqarluartumik ingerlasimalluni. KNI-p nalunaarutigaa pisiniartartut amerlagaatsiartut internette atorlugu misileereersimalersut.
Allattoq Apollo Jeremiassen
Internet-ikkut pisiniat amerlanerpaat aalisartuusimarpasipput, tassami aalisarnermut atortut interne-ikkut pisiarineqartartut amerlanerpaasimapput.
Pisiariumaneqarnerpaat tallimat KNI-p internet-ikkut tuniniaanermi pisortaata, Marcus Probst-ip ima tulleriinnilersorpai.
1. Aalisakkanut qassutit piareerneqanngitsut
2. Nalaasaarfiit
3. Nillataartitsiviit qerititsiviillu
4. Gummibåd-it
5. Oqarasuaatit angallattakkat